Трилогия (гр. 'trі' – үш, logos – сөз, ілім) – мазмұн-мағынасы, сюжеті жағынан бір-бірімен тығыз байланыста, негізгі кейіпкерлері ортақ келетін, өзара жалғасқан, тұтас үш бөлімді туынды.

Авторы бір шығармалардың әр бөлімі жеке туынды болып та қабылданады. Трилогияны құрайтын әр шығарма бас-аяғы бүтін, өз алдына дербес туынды болып келеді, әрқайсысының өз оқиға желісі, бөлек бітімі болады. Басты кейіпкерлер үш шығармаға бірдей ортақ болса, олардың әрқайсысында басты тұлғалар өміріндегі түрлі кезең суреттеледі. Үш шығарма бірімен-бірі қабысып, сабақтаса келіп, бірін-бірі мағына-мазмұн жағынан толықтырады. Эсхилдің «Орестея», Фридрих Шиллердің «Валленштейн», Алексей Николаевич Толстойдың «Иван Грозныйдың өлімі», «Борис патша», Максим Горькийдің автобиографиялық романы, Уильям Фолкнердің «Ауыл», «Қала» романдарын айтуға болады.

Ал қазақ қаламгерлерінің үздік трилогиялары - Ілияс Есенберлиннің «Көшпенділер» трилогиясы:

  1. "Алмас қылыш",
  2. "Жанталас",
  3. "Қаһар".

Әбдіжәміл Нұрпейісовтың «Қан мен тер» трилогиясы:

  1. «Ымырт»,
  2. «Сергелдең»,
  3. «Күйреу» атты кітаптардан тұрады.[1][2]

ДереккөздерӨңдеу

  1. “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9
  2. “ Қазақ әдебиеті. Энциклопедиялық анықтамалық. - Алматы: «Аруна Ltd.» ЖШС, 2010.ISBN 9965-26-096-6