Тротил

Тротил (тол, гринитротолуол) — қопару жұмыстарына және көптеген оқ-дәрілерді (артиллериялық снарядтарды, миналарды, авиабомбаларды, т.б.) жабдықтауға арналған, жеткілікті қуатты, бөлшектегіш (бризантты) жарылғыш зат. Тротил ашық сары немесе ашық қоңыр түсті, суда ерімейтін, ашық ауада сары бықсық жалынмен жанатын (жабық кеңістікте жанса, жарылыс тудырады) кристалл зат. Тротил механикалық әсерді сезгіштігі аз, оқтың соққысынан жарылмайды. Құйылған (балқытылған) тротил тұтандырғыш капсюльден жарылмайды, сондықтан оны жару үшін сығымдалған тротилден немесе өзге бөлшектегіш жарылғыш заттан тұратын аралық тұтандырғыш керек.