Тули хан

Тули, Тули-хан Нибу Ше (610 – 639) – бірінші Шығыс Түрік қағандығының билеушісі (634 – 39).

Қағандықта 608 – 19 жылы билік жүргізген Шиби Дучидің (Шиби-хан Дучи) ұлы. Ағасы Хели Дучи (Хйели-хан Дучи) 620 – 34 жылы билік еткен тұста ол ел басқару ісіне тартылды. Ер жеткен кезінде қағандықтың шығыс бөлігін басқарды. Қол астындағы халықтан заңсыз салық жинауды күшейтті. Ағасының заңсыз салық жинауды тоқтатуын талап еткен әміріне құлақ аспады. Керісінше өз ағасына қарсы күрес жүргізіп, оны биліктен тайдырып, өзін қағандық билеушісі етіп жариялады. Ол өз билігін нығайту мақсатында Қытай императорымен тығыз байланыс орнатып, онымен жақсы қарым-қатынаста болды. Тули 29 жасында ауыр науқастан дүние салған.