Турболет

Турболет — ауадан ауыр, көтергіш күшті тік орналасқан реактивтік қозғалтқыш туғызатын ұшу аппараты. Турболеттің фюзеляжы, қанаттары, құйрықты тіреуіші, алып жүретін винті жоқ. Оның бүкіл құрылымы — ортасына қозғалтқыш орнатылған дәнекерленген форма. Оны басқару реактивтік тетіктің (сопло рульдің) көмегімен жүргізіледі, одан газ не ауа шығып тұрады. Турболет тік ұшып, қона алады, белгіленген жердің үстінде қалықтап тұра алады, көлденең және көлбеу жазықтықпен ұша алады.