Тынымбай Төлепбайұлы Қарин

Тынымбай Төлепбайұлы Қарин (1941 жылы Ақтөбе облысы, Байғанин ауданы, Жарқамыс ауылында дүниеге келген) — қаламгер, Қазақстан жазушылар одағының мүшесі.

Тынымбай Төлепбайұлы Қарин
Туған күні	1941 (1941)
Туған жері	Ақтөбе облысы, Байғанин ауданы, Жарқамыс ауылы
Азаматтығы	Қазақстан
Шығармалардың тілі	қазақ

Өмірбаяны

1965 жылы Жамбыл Технологиялық институтын бітірген, мамандығы инженер-технолог. Еңбек жолын 1966 жылы Ақтөбедегі Одақтық астық қабылдау мекемесінен бастап, мамандығы бойынша жұмыс жолын үзбей Ақтөбе, Жамбыл, Шымкент облыстарында астық өндіру саласында қызмет етіп келді. 1980 жылдан зейнетке шыққанша Ақтөбе ауыл шаруашылық машина жасау заводында инженер болып істеді.

Өндірісте жұмыс істеп жүріп шығармашылықпен де әуестеніп жүрді. 1978 жылы «Арман қанатында» атты жас жазушылар жинағында «Ымырт» деген әңгімесі басылды. Одан басқа аудандық, облыстық, республикалық әдеби газеттерде шығармалары басылып жүрді.

Әңгімелер жинағы «Өмір сыры», «Қанағат».

Романдар «Шырғалаң», «Ғасыр үні», «Ұлы сезім».