Тілеуғали Әшірбекұлы Қышқашбаев

Тілеуғали Әшірбекұлы Қышқашбаев (1957 жылы туған Қарағанды облысы) - композитор, педагогика ғылымдарының докторы (2000), профессор Алматы музыка училищесін (1972), Алматы консерваториясын (қазіргі Қазақ ұлттық консерваториясы) бітірген (1981). 1981 -1983 жылдары Балқаш қаласында педагогика училищесінде, 1983 - 1988 ж. Алматыда музыкалық училищеде - оқытушы, 1988 - 1994 жылдары ҚазПУ-де кафедра меңгерушісі, 1994 - 1996 ж. Алматы музыкалық училищесінің директоры, 1996 -1998 жылдары Қазақстан Мәдениет министірлігінің өнер басқармасының, 1998 - 2000 жылдары Астана мәдениет басқармасының бастығы қызметтерін атқарды. 2000 жылдан Қазақ ұлттық өнер академиясының ректоры. Ол қырықтан астам әндер ("Астана - бас қала", т.б.) мен симфониялық оркестрге, халық аспаптары оркестріне, ішекті аспаптар квартетіне арналған музыкалық шығармалардың авторы. Сондай-ақ, ғылыми еңбектері жарық көрген. Медальдармен марапатталған.