Тіректік бұрғылау

Тіректік бургылау - аймақтық және іздестіру жұмыстарының көлемі мен түрлерін жобалаудың негізі болып табылатын тіректі мәліметтерді алу, сонымен қатар, терең және аса терең ұңғымалар бұрғылаудың технологиялық мәселелерін шешу мақсатында жүзеге асырылады. Тіректік бұрғылау ірі геоқұрылымдық элементтердің геологиялық құрылысы мен даму тарихын зерттеудің аймақтық геологиялық-іздестіру жағдайын және мұнай, газ, басқа да пайдалы қазбаларды геологиялық-барлау жұмыстарының негұрлым тиімді бағыттарын ғылыми негіздеу ушін қолданылады. Тіректі ұңгымалар аймақтық геофизикалық зерттеу мәліметтері бойынша негұрлым қолайлы құрылымдық жағдайда, кристалдық іргетас қатқабатын аршуга дейін немесе техникалық жағынан мүмкін тереңдікке дейін бұрғыланады. Тіректік бұрғылау іздестіру-барлау жұмыстарының кейінгі сатыларын жоспарлы, жүйелі және ғылыми-негізделген түрде жүргізуге мүмкіндік береді.