Түркістан музыкалық драма театры

Түркістан музыкалық драма театры – 2021 жылы Түркістан қаласында жаңадан салынған театр.

Түркістан музыкалық драма театры
Орналасуы	Қазақстан Түркістан
Сыйымдылығы	511
Негізделгені	2021 жыл
Директоры	Айнұр Көпбасарова
Көркемдік жетекшісі	Айнұр Көпбасарова
Бас режиссёрі	Данияр Базаркулов
Бас балетмейстері	Мадина Муратпекова
Бас хормейстері	Исамиддин Низамов

Театр тарихы

2018 жылдың 18 маусымында Оңтүстік Қазақстан облысы Түркістан облысы болып қайта құрылып, оның орталығы болып Түркістан қаласы таңдалды. ҚР Президенті Hұрсұлтан Назарбаев 2018 жылдың 28 қыркүйегі күні "Түркістан қаласын түркі әлемінің мәдени-рухани орталығы ретінде дамыту жөніндегі бас жоспардың тұжырымдамасын мақұлдау туралы" №762 қаулысына қол қойып, Түркістан қаласының жаңа дәуірі басталды. Бас жоспарған енген объектілердің арасындағы Түркістан музыкалық драма театрының құрылысын Ақтөбе облысы сый ретінде салып беретін болды. Мердігер ретінде BI Group компаниянсы таңдалды. Театр құрылысы 2019 жылы басталып, 2021 жылы аяқталды.

Театрдың директоры әрі көркемдік жетекшісі болып 2021 жылдың 16 сәуірде белгілі продюсер Айнұр Көпбасарова тағайындалды.

Театр актерлері

Айгерим Шарипбек, Фархат Садвакасов, Али Марат, Азат Мыңбаев, Ақ-Сұлтан Әнуарбек, Музафар Ғалымжанұлы, Шерхан Саматұлы, Ислам Жұматай, Рамазан Өмірзақ, Мерей Құдайбергенов, Қадіржан Төреханов, Болатбек Оспан, Нұрым Алжаппаров, Айя Дарибаева, Арайлым Сатыбалдиева, Нурсулу Бекжанова, Алуа Төрегелді, Аида Серикова, Қаныш Кенжеәлі, Джозеф Рахимбаев, Актан Асылбашов, Ильяс Джарылкасын, Рустам Шайхов, Еламан Әбдіқалық, Дастан Саттар, Елдос Оспанов, Бақытнұр Дүйсенбаева, Камила Алимжанова, Акылай Сыдыгалиева, Гулжанат Каламғазина, Алина Ормонбек, Аяжан Медетхан, Амина Смаилова, Айбек Боранбаев, Темірлан Еркінғалиев, Данияс Нұрқабденов, Досымжан Арқабеков, Нұрсұлтан Бермаханов, Ұланғасыр Елғонды, Мао Сакаи.

Театр репертуары

• "Бөрте" спектаклі - Моңғол империясының әміршісі Шыңғыс қағанның әйелі Бөрте ханым өмірін бейнелейтін спектакль. Пьеса авторы: Дулат Исабеков. Қоюшы режиссер: Итальяндық Davide Livermore
• "Фариза" спектаклі - Ақынға тән мінез, ақынға тән балалық, ақынға тән ұлылық пен оның табиғатындағы жұмбақ сырды баяндайтын спектакль. Пьеса авторы: Роза Мұқанова. Қоюшы режиссер:Фархат Молдағали
• "Шаңырақ" спектаклі - түбі бір түркі халықтарының бірлігі, ынтымағы, бауырластығына құралған, бабалар жолының саралығы, ұрпақ сабақтастығы, өткенін қастерлеп, өркениетке ұмтылған түркі ұрпағының өміршеңдігін бейнелейтін спектакль. Шығарма авторы: Роза Мұқанова. Қоюшы режиссер: Айнұр Көпбасарова