Түрлі түсті кесіртке

Түрлі түсті кесіртке (лат. Eremias arguta) – бауырымен жорғалаушылардың кесірттер тұқымдасының бір түрі. Басқа кесірткелермен салыстырғанда дене тұрқы орташа, шамамен 100 см дейін болады. Түрлі түсті кесірткенің денесі мығым, құйрығы тез сүйірленіп жіңішкеленіп келеді. Денесі негізінен, арқа жонымен сұр-қоңырша немесе ашықтау сарғыш келеді. Арқа тұсында ретсіз орналасқан ашық ірі дақтары бар. Бауыр тұсы ақшыл. Түрлі түсті кесіртке Шығыс Қазақстанда қатты тақырлы, тастақты далаларды және сирек орманды далаларды мекендейді. Табиғи жаулрынан қорғану үшін кеміргіштердің және тастардың қуысын, жарқабақтардың қуысын паналайды. Өзі де інін қазады, оның ұзындығы шамамен 70 см және тереңдігі 30 см дейін барады. Түрлі түсті кесіртке омыртқасыздармен, оның ішінде қоңыздармен, тікқанаттылармен, құмырсқалармен, өрмекшілермен қоректенеді. Түрлі түсті кесіртке жыныстық жағынан бір жылдан кейін жетіледі. Жетілгеннен кейін 2-3 аптадан кейін шағылысады, маусым айына дейін созылады. Оның аналығы 10-12 жұмыртқаға дейін салады.

Түрлі түсті кесіртке
Ғылыми топтастыруы
Дүниесі: Жануарлар Жамағаты: Хордалылар Табы: Бауырымен жорғалаушылар Сабы: Қабыршақтылар Тұқымдасы: Нағыз кесірткелер Тегі: Eremias Түрі: E. arguta
Екі-есімді атауы
Eremias arguta (Pallas, 1773)