Түсті орамжапырақ

Түсті орамжапырақ - калориялығы мен витаминділігі брюссель капустасына жақын, тез пісетін, тағамдық жағынан өте бағалы өсімдік. Тағамға белок пен көміртегіне бай, көптеген өспей қысқарған түсті сабақтардан тұратын капуста басын пайдаланады.

Brassica oleracea var. botrytis

Қолданылуы

Түсті капустада ақбасты капустаға қарағанда, витаминдер мен минералдық заттар көп. Сондықтан оны балаларға, ауру адамдарға береді. Оны сорпа жасауға, консервілеуге қолданады, пісіріп және қуырып жейді. Түсті капустаның сөлін, тіпті, антик заманында өкпе ауруларына қолданған. Қазірде сондай сөлді жөтелгенде және дауыс қарлыққанда бір шай қасықпен тәулігіне бірнеше рет ішу керек.

Сорттары

Түсті капустаның - Гарантия, Мавир - 74, Ранняя грибовская 1355 сорттары тез пісетіндігімен көзге түседі, басының пісіп жетілуіне 2,5-3 ай керек.