Тұздықақ
Тұздықақ, Ащықақ – Нарын құмының солтүстік-батысындағы сор.
| Тұздықақ | |
| Морфометрия | |
|---|---|
| Теңiз деңгейiнен биіктігі | 8 м төмен м |
| Өлшемі | 110-120 × 15 км |
| Орналасуы | |
| 48°32′29″ с. е. 47°33′39″ ш. б. / 48.54139° с. е. 47.56083° ш. б. (G) (O) (Я)Координаттар: 48°32′29″ с. е. 47°33′39″ ш. б. / 48.54139° с. е. 47.56083° ш. б. (G) (O) (Я) | |
| Ел |  Қазақстан |
| Аймақ | Батыс Қазақстан облысы |
| Аудан | Бөкей ордасы ауданы |
Географиялық орны өңдеу
Батыс Қазақстан облысы Бөкей ордасы ауданында орналасқан.
Жер бедері өңдеу
Сор солтүстік-батыстан шығысқа, оңтүстік-шығысқа қарай доғаша иіліп созылып жатыр. Ұзындығы 110 – 120 км, орташа ені 15 км, солтүстік-батысында 35 км-ге дейін жетеді. Ойыстау келген сор теңіз деңгейінен 8 м төмен жатыр. Көктемдегі қар суының еріп, осы ойысқа шоғырлануынан пайда болған. Түбінде жұқа тұз қабаты түзілген. Тұзды балшықтың құрамы сульфатты-хлоридті, тұнбасының жалпы минералдары 5 – 10 г/л.
Өсімдігі өңдеу
Жер бедеріне сорға, тұзға төзімді өсімдіктер тән. Олар: ақсора, тұзбұршақ, қаңбақ, сораң, қарабарақ, т.б. Шеткі бөліктерінде наурызгүл, сарысазан, шағыр, қарасексеуіл, қаражусан, т.б. өсімдік түрлері өседі.[1]
Дереккөздер өңдеу
- ↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том