Тұйық оюы

Тұйық оюы — дәстүрлі талғам-танымымыз бойынша Шексіздіктің белгісін білдіреді. Еуропа жұртында шексіздік белгісі көлденең жатқан 8 саны түрінде берілсе, қазақта шексіздік белгісі тұйық ою түрінде беріледі. Оның бастауы да жоқ, аяқталар шегі де жоқ. Сол арқылы мәңгілік өмір-тіршілікті бейнелейді. Соңғы кезге дейін тұйық оюы баянды бақыт, ұзақ өмір белгісі ретінде ер адам киімінің жауырынына, батырдың қалқанына, ердің қасына, тұс киіздің маңдайына салынатын. Бұл оюды қазақ «тасбақа» деп те атайды. Тасбақаны ұзақ жасайтыны үшін, төзімділігі үшін бабаларымыз кие тұтқан. Көне түркінің тасқашау ескерткіштерінің тұғыры тасбақа болатын.