Тұндырғыштар

Тұндырғыштар - өндірістік тастанды суды жинайтын жасанды қорқойма. Мұнай кәсіпшіпіктерінің тастанды сулары мұнаймен бірге жер бетіне шығарылған минералдылығы жоғары қойнауқат сулары болып табылады. Бұлар қайтадан өнімді горизонттарға айдалуы тиіс. Сол судың Тұндырғыштары 0,4-0,7 МПа қысымдағы арынды, атмосфера қысымындағы арынсыз болып ажыратылады. Арынды Тұндырғыштардың сыйымдылығы 100 және 200 м³, арынсыздікі 100-10 000 м³ болады. Мұнаймен және механикалық қоспалармен ластанған сулар Тұндырғыштарға беріледі, одан әрі тазартылған су кәсіпшілікке айдамаланады да, қойнауқатқа қайтадан айдалып енгізіледі.