Тұрабай Тұраров

Тұрабай Тұраров (1876 жылы — 1949 жылы тамыз) — Қазақ КСР, Шығыс Қазақстан облысы, Зайсан ауданы «Қызыл Жеменей» ұжымшарының аға шопаны. Социалистік Еңбек Ері (1949).

Тұрабай Тұраров
Туған күні	1876
Қайтыс болған күні	1949
Марапаттары мен сыйлықтары	1941-1945 жж. Ұлы Отан соғысындағы қажырлы еңбегі үшін медалі

Өмірбаяны

1876 жылы Қарақұмда көшпелі отбасында дүниеге келген. 1896 жылдан бастап батырақшылықпен айналысты. 1925 жылдан бастап байларға қарсы күрескен қазақ кедейлерінің «Кедей тобы» қоғамының қызметіне қатысты. 1929 жылы Семей облысы Зайсан ауданындағы №2 ауылда «Жаңа Тірлік» ұжымшарын (1932 жылдан бастап Қара Ертіс кеңшары) ұйымдастырушылардың бірі болды. 1939 жылдан бастап Зайсан ауданындағы «Қызыл Жеменей» кеңшарында шопан болды. Ұлы Отан соғысы жылдарында әр биеден бір төлден алуды өз мойнына алған. Кейін сол кеңшарға аға шопан болып тағайындалды.

Тұрабай Тұраровтың бригадасы 1945 жылы 70 биеден 67, 1946 жылы 83 биеден 79 құлын өсірді. 1947 жылы бригада 93 биеден 92 құлын өсірді. Мал шаруашылығының жоғары өнімділігін алғаны үшін 1947 жылы КСРО Жоғарғы Кеңесі төралқасының 1948 жылғы 23 шілдедегі Жарлығымен Ленин ордені және «Орақ пен Балға» алтын медалімен бірге Социалистік Еңбек Ері атағы берілді.

1948 жылы бригада 105 биеден 105 құлын алып, толық алынған төлді сақтап қалды.

1948 жылы ауыр науқастанып, бір жылдан кейін 1949 жылы тамызда қайтыс болды.

Марапаттары

• Социалистік Еңбек Ері
• Ленин ордені
• 1941-1945 жж. Ұлы Отан соғысындағы қажырлы еңбегі үшін медалі

Әдебиет

• Шығыс Қазақстан облысы [Мәтін]: энциклопедия. — Алматы: Қазақ энциклопедиясы, 2014. — Тұраров Тұрабай: б. 757.

Сілтеме

• Сергей Каргапольцев. Тұрабай Тұраров. «Герои страны» сайтында.
• Тұраров Тұрабай, Шығыс Қазақстан: белгілі аттар/ А.С.Пушкин атындағы Шығыс Қазақстан кітапханасы
• Тұраров Тұрабай, Шығыс Қазақстан облысының ардагерлері