Тұран (футбол клубы, Түркістан)

Тұран футбол клубы — Түркістан қаласындағы футбол клубы. 2003 жылы құрылған. Өз алаңындағы ойындарын 2021 жылдан бастап "Түркістан Аренада" өткізеді, сыйымдылығы 7000 адам.

Тұран
Толық атауы	Тұран футбол клубы
Құрылған жылы	2003
Стадионы	Түркістан Арена
Сыйымдылығы	7000 адам
Бас жаттықтырушы	Қуаныш Қабдолов
Капитаны	Азат Нұрғалиев
Бюджеті	1,2 млрд теңге
Демеушісі	FlyArystan
Сайты	fcturan.kz
Жарыс	Футболдан Қазақстан бірінші лигасы
2022	13-ші орын
Негізгі форма Қонақтық форма

Тарихы

Маусымдар

2003 жылы "Қостүйін" деген атаумен бірінші лигаға қатысып, 20 ойынның бесеуінде жеңіске жетті де, бір кездесуді тең аяқтап, қалғандарында жеңіліп қалды.

2004 жылы "Арыс" деген атаумен ойнап, бірінші лиганың "Оңтүстік-Батыс" аймағында соңғы орында қалды.

2019 жылы команда қайта бас қосты да, Екінші лига мен Қазақстан кубогына қатысты. Кубок ойындарында алғашқы раундта төрт команданың ішінде үшінші орын алып, келесі сатыға шыға алмады.

2020 жылы Қазақстан бірінші лигасының оңтүстік аймағында екінші орын алды. 2021 жылы Премьер лига клубтарының саны 14-ке дейін көбейтіліп, клуб өз тарихында тұңғыш рет элитада ойнайтын болды.

2021 жылы атауы "Тұран" деп өзгертілді де, базасы Түркістанға көшірілді.

Атаулары

• Қостүйін (2003)
• Арыс (2004—2020)
• Тұран (2021—қазірге дейін)

Атақты ойыншылары

• Артем Белошапка
• Азат Нұрғалиев
• Таңат Нөсербаев
• Мардан Төлебек
• Ермек Қуантаев
• Олжас Керімжанов
• Тони Силва
• Максим Федин

Сілтемелер

• Ресми сайты Мұрағатталған 10 маусымның 2022 жылы.