Тұрлан геофизикалық экспедициясы

Тұрлан геофизикалық экспедициясы - 1949 жылы Орта Азиялық геофизикалық трестін құрамында құрылған. 1951 жылдан 1957 жылға дейін Оңтүстік Қазақстан геологиялық басқармасының құрамында болған. 1957 жылдан 1972 жылға дейін "Казгеофизтрестің", 1972 жылдан 1979 жылға дейін "Казмұнайгазгеология" басқармасының, бірлестігінің, 1979 жылдан 1981 жылға дейін қайтадан "Оңтүстік Қазақстан" геологиялық басқармасының, 1981 жылдан 1996 жылға дейін "Казгеофизика" өндірістік геологиялық бірлестігінің, 1996 жылдан "Геотекс" акционерлік қоғамының құрамында. Экспедицияның негізгі жұмыстары мұнай және газ кенорындарында геофизикалық зерттеулер жүргізу. 1972 жылдан 1993 жылға дейінгі экспедицияның геофизикалық қызметтерімен анықталған алаңдарда, терең бұрғылауға дайындалған жерлерде 25 мұнай және 5 газ кенорындары ашылған.