Тұрлыбек Ілиясұлы Мәмесейіт

Тұрлыбек Ілиясұлы Мәмесейіт (17.02.1949 жылы туған, ҚХР, Іле ауданы Құлжа қаласы) - жазушы, сыншы. ҚазҰУ-ды бітірген (1975). 1975 - 1977 жылдары облысы "Жетісу" газетінде, Республикалық кітап палатасында, 1977 - 1995 жылдары "Жазушы" баспасында редактор, редакция меңгерушісі, 1996 - 1998 жылдары "Өнер" баспасының бас редакторы, 1998 - 1999 жылдары "Рауан" баспасында жетекші редактор, 1999 - 2001 жылдары "Атамұра" корпорациясында қызмет істеген. 2001 жылдан "Елорда" баспасында редактор. Сын мақалалары баспасөз беттерінде 1973 жылдан жарияланып келеді. Алғашқы әңгімесі жас жазушылардың "Арман қанатында" жинағына енген. "Тоғысқан толқын", "Зерделілік айнасы" сын кітаптарының, "Беторамал", "Түсіме тау кіреді", "Бесік пен несіп", "Плач охотника", "Әулиешоқы", т.б. повестер мен әңгімелер жинақтарының, "Таңжарық" романы мен "Қанқұйлы жарық" повесінің авторы. Кейбір шығармалары қырғыз, түрікмен, орыс, қытай тілдеріне аударылған. "Тауда өскен ұл" повесі "Жалын" баспасы ұйымдастырған жабық бәйгенің жүлдегері (1986). 2000 жылы "Әулиешоқы" атты повестер жинағы үшін Халықараралық "Алаш" әдеби сыйлығы берілген.