Тұрмыстық техника

Тұрмыстық техника — тұрмысқа қажетті, яғни күнделікті өмірге қажетті техникаларды айтады. Мысалы оларға келесі техникалар жатады:

• Үтік
• Қысқа толқынды пеш
• Теледидар
• Кір жуғыш машина
• Телефон
• Сағат

Тарих

Көптеген аспаптар жүз жыл бойы қолданылып келсе де, дербес қоректендіруге ие электрлік және газ аспаптары нақты XX ғасырда пайда болған америкалық жаңашылдыққа жатады. 1900-шы жылдардың басында электрлік және газ аспаптары кір жуу машиналарынан, сужылытқыштардан, тоңазытқыштардан және тігін машиналарынан тұрды. Алғашқыда 1903 жылы Эрл Ричардсонның ойлап тапқан кішкентай электрлік үтігі тұрмыстық техника өндірісіне аздап дем берді. Екінші дүниежүзілік соғыс аяқталғаннан кейін америкалық экономикалық өрлеу кезеңінде ыдыс жуу машиналарын және киімге арналған кептіргіштерді қолдану тұрмыстық техника өндірісінің дамуының бір бөлігіне айналды. Дискрециялық табыстардың көтерілуі түрлі тұрмыстық аспаптардың санын арттыруға ықпал етті.

1980-ші жылы Америкадағы өндіріс жыл сайын 1,5 миллард доллар сомасында тауар өндіріп отырды және оған 14000-нан астам жұмысшы жұмылдырылды, 1982-1990 жылдар аралығында ол $ 3,3 млрд.-қа дейін еселенді.

АҚШ-тың энергетика Министрлігі 1987 жылғы энергияны үнемдейтін аспаптар туралы ұлттық Заңның сақталуын қарастыра отырып, өндірушілерден бес жыл сайын аспаптардың энергиялық тұтынуын 25%-ға азайтуды талап етті.

1990-шы жылдары АҚШ-та аспапты жасау барынша нығая түсті: 90%-дан астам өнімді бар болғаны бес компания сатты. Мысалы 1991 жылы нарықта ыдыс жуу машиналарының өндірістік үлесін нарықтағы үлесі 40%-бен General Electric, нарықтағы үлесі 31%-бен Whirlpool Corporation, нарықтағы үлесі 20%-бен Electrolux, нарықтағы үлесі 7%-бен Maytag және нарықтағы үлесі небары 2%-бен Thermador компаниялары өзара бөліп алған. Әлемде жалпы 4000-ға жуық тұрмыстық электроника өндірушілері бар.

2013 жылға әлемдегі ең ірі тұрмыстық техника өндіруші қытайлық Haier болып табылады, ал америкалық Whirlpool екінші орынға ие.