Тұрсынбек Сабырұлы Мәліков

Мәліков Тұрсынбек Сабырұлы (1946 жылы туған, бұрынғы Көкшетау облысы Қызылту кенті) – ғалым, педагогикалық ғылымдарының докторы (2005), профессор Халықар. Ақпараттандыру академиясының акад., ҚР Білім беру ісінің үздігі, ҚР білім беру саласының құрметті қызметкері. А.Горький атындағы Омбы мемлекеттік педагогикалық институтын, Ленин атындағы Мәскеу мемлекеттік педагогикалық институты жанындағы аспирантураны бітірген. Он жылдан астам уақыт Қызылту кентіндегі мектептерде математика мен физика пәндерінен сабақ берген. 1979 жылдан Ш.Уәлиханов атындағы Көкшетау педагогикалық институтында жұмыс істейді. Қазіргі уақытта Көкшетау мемлекеттік университетінде зертхана меңгерушісі. Математиканы оқыту әдістемесі және математика философиясының мәселелеріне арналған 4 монография, 60-тан астам ғылыми мақалалардың авторы. ҚазКСР Халыққа білім беру мин-нің Құрмет грамотасымен марапатталған.

Дереккөздер

«Ақмола облысы» энциклопедиясы