Тұрсынәлі Ырыскелдіұлы

Тұрсынәлі Ырыскелдіұлы (кейде Рыскелдиев, 13 қазан 1940 жыл, Сорбұлақ мекені, Күнес ауданы, Шыңжаң Ұйғыр автономиялық ауданы) — қазақ жазушысы.

Жоғарғы білімін Шыңжаң институтында алғаннан кейін (1961) Тұрсынәлі Ырыскелдіұлы мансабын 1961–1980 жылдары Күнес аудандық орта мектепте әдебиет, қытай тілі пәнінің окытушысы болып бастады. 1980–1992 жылдары Күнес аудандық мәдениет үйінің бастығы болды. 1992 жылдан Іле аймақтық әдебиет көркемөнершілер бірлестігі төрағасының бірінші орынбасары болып келеді.

Шығармалары

Оншақты кітабы, 30-дан астам сын-зерттеу мақалалары, 3 телефильм сценариясы жарық көрген.

• Тасқын. Трилогия. Ү., 1982(1-кітап), 1987 (2-кітап), 1989 (3-кітап);
• Тау тағысы. Роман. Ү., 1995;
• Өркен. Әңгімелер. Пек., 1982;
• Қайта оралу. Повестер. Күйтің, 1985;
• Шырғалаң. Әңгімелер. Пек,1996;
• Бала көңілдің байлықтары. Повестер. Ү, 1997;
• Мысалдар. Әңгімелер. Ү., 1987.

Марапаттары

• Жазушының "Тасқын" атты трилогиясы 1989 ж. Қытайдың мемлекеттік баспасөз сыйлығының иегері.

Қосымша

1. «Тасқын» трилогиясының екінші кітабы ҚХР-да мемлекеттік аз ұлт әдебиетінің таңдаулы кітабы сыйлығын, «Мысал әңгімелері» Шыңжаң өлкелік «Жаңа дәуір әдебиеті» сыйлығын алған. «Қара көлдің балықтары» повестер жинағы үшін ҚХР мемлекеттік «Тұлпар» әдеби сыйлығын, «Іле салтанаты» көркем телефильмі үшін ҚХР мемлекеттік ынталандыру сыйлығын алған.
2. Қытайдың мемлекеттік бірінші дәрежелі жазушы кәсіби атағы берілген, сондай-ақ «Мәдениет саласындағы еңбегі сіңген қайраткер» белгісі табыс етілген.
3. «Тамызық» атты мысалдар жинағы (2001, «Мерей»), «Ұлы көш» романының бірінші кітабы (2001, «Өлке»), екінші кітабы (2003, «Елорда») жарық көрді.
4. «Іле салтанаты» көркем телефильмі экранға шыққан (1995). «Қос аққу» пьесасы және комедиялары қойылған.
5. «Тасқын» (трилогия), «Кек» (әңгімелер) атты көп томдық шығармалар жинағының жеті томы жарық көрген.