Тұш бауырсақ

Тұш бауырсақ - оны мереке дастарқанына арнап ұнға сүт, май, қант, жұмыртқа қосып илеп, ұсқа кесіп қуырған.

Сипаттамасы

Қуырып болған соң ішіне сары май жаққан қалыпқа салып бал құйып, көкнәр сеуіп, мейіз, мәмпәси салып қатырады. Оны қонақтардың ішіндегі ең қадірлісі бастап бұзатын салт болған. Бауырсақтың – ашыған, бармақ, жалпақ, жол, бұрма бауырсақ түрлері де бар. Бауырсақ түрлерінің барлығының да қамыры тұзды суға иленеді.