Тәжібаев Төлеген атындағы көше (Алматы)

Тәжібаев Төлеген атындағы көше. Көшеге көрнекті ғалым, қоғам қайраткері, педагогикалық ғылымының докторы, профессор, Қазақ КСР академигі Төлеген Тәжібаевтың есімі (Алматы қаласы мәслихатының 24.12.2003 №26 шешімі мен Алматы қаласы әкімшілігінің 26.12.2003 №5/764 қаулысы) берілген. Тәжібаев Төлеген (1910-1964) Түркістан облысы, Арыс ауданында дүниеге келген. Ол - қазақ тілінде психология ғылымы терминдерін қалыптастырған, «Жалпы психология» атты тұңғыш оқулық жазған автор. Көше Әуезов ауданының «Таугүл-3» шағынауданында орналасқан. Көшенің ұзындығы - 218 метр.