Тәтібеков атындағы көше (Алматы)

Тәтібеков атындағы көше. Көшеге көрнекті қоғам және мемлекет қайраткері Саймасай Әлімұлы Тәтібековтың есімі берілген. Тәтібеков Саймасай Әлімұлы (1903-1973) Алматы облысында дүниеге келген. Ол 1919-1922 жж. Қара қырғыз атты әскер полкының эскадрон командирі, кейін Қырғыз КСР Оқу-ағарту халкомының бірінші орынбасары, т.б. жауапты қызметтер атқарған. Көше Медеу ауданында орналасқан. Бөлтірік шешен көшесінен басталып қаланың солтүстік-батыс шекарасына дейін барып тіреледі. Халиуллин, Менделеев, Титов, Таиров атындағы көшелермен қиылысады. Ол Талғар және Құлжа жолдарына апаратын қаланың солтүстік -шығыс жағындағы маңызды транспорттық магистраль болып саналады. Бұрынғы атауы - Шоссейная. Көшенін ұзындығы - 1500 метр.