Төлеген Мұсаұлы Әбдірахманов

 Басқа мағыналар үшін Әбдірахманов деген бетті қараңыз.

Төлеген Мұсаұлы Әбдірахманов (1933 жылы туған), инженер-металлург. Қазақ КСР-нің еңбек сіңірген металлургі (1973). Қазақ кен-металлургиялық институтын бітірген (1955). 1955-1963 ж. Қарсақбай мыс қорыту зауытында жұмысшы, ауысым мастері, металлургия цех бастығының орынбасары, кәсіподақ комитетінің төрағасы, партбюро хатшысы болып істеді, 1963 ж. мыс қорыту зауытының директоры болып тағайындалды. 1973 ж. Жезқазған кен-металлургия комбинатының партком хатшысы болып сайланды. 1973-1983 ж. мыс қорыту зауытының бас инженері, зауыт директоры, 1990 жылдан «Қазақмыс» корпорациясы президентінің кенесшісі. Еңбек Қызыл Ту, «Құрмет Белгісі» ордендерімен марапатталған. Жезқазған қаласының құрметті азаматы.