Төленгіт 1 мекенжұрты

Төленгіт 1 мекенжұрты немесе 1-Төленгіт елді мекені – Түркістан облысының жергілікті маңызы бар тарих және мәдениет ескерткіштері тізіміне енген І - VII ғасырлардағы археологиялық ескерткіші.

Орналасқан жері

Отырар ауданындағы Көкмардан ауылынан оңтүстік-батыста 9 км жерде, Ақсу тармағының қасында (еографиялық координаты 42Т443207, UТМ 472755).

Деректер

1969–70 жылдары Отырар археологиялық экспедициясы (жетекшісі К. Ақышев) ашып, Аты жоқ төбе 1 ретінде зерттеген. 2005 жылы археологиялық ескерткішті Оңтүстік Қазақстан кешенді археологиялық экспедициясының отряды (К.М. Байпақов, Д.А. Воякин) екінші рет зерттеген.
Жоспарда төртбұрышты болып келген, "алаңқайлы төбе" типіндегі ескерткіш. Бұрыштары дүниенің төрт бұрышына қараған. Етегінің көлемі 55x55 м, жоғарғы жағы: сотүстік-батыс жаны 30 м, сотүстік-шығысы -25 м, оңтүстік-шығысы -25 м, оңтүстік-батысы - 30м. Алаң негізгі төбеге оңтүстік -батыстан жапсарласады. Оның көлемі 90x90 м, биіктігі 0,7 - 1 м. Орталық төбенің қақпасы оңтүстік-батыс қабырғада орналасқан. Ескерткіш бетінен алынған керамика ішінде Қостөбе (оңтүстік) керамикасымен сәйкес қолдан жасалынған сырсыз ыдыстар сынықтары бар.