Төтенше жағдайлардың алдын алуда және жоюда үздік шыққаны үшін медалі
«Төтенше жағдайлардың алдын алуда және жоюда үздік шыққаны үшін» медалі — Қазақстан Республикасы Ішкі істер министрлігі Төтенше жағдайлар комитетінің мекемелік марапаты.
| «Төтенше жағдайлардың алдын алуда және жоюда үздік шыққаны үшін» медалі | |
|---|---|
  | |
| Мемлекет |  Қазақстан
|
| Түрі | Медаль |
| Жағдайы | беріледі |
| Негізделді | 5 маусым 2006 жыл |
Тарихы
өңдеуМедаль Қазақстан Республикасы Президентінің 2006 жылғы 5 маусымдағы № 129 Жарлығының негізінде тағайындалды. 2011 жылғы 30 қыркүйектегі № 155 Жарлығымен медаль Министрліктің мекемелік марапаты болып қайта бекітілді. Алайда, 2014 жылы Министрліктің таратылуына және оның атқарымдары Ішкі істер министрлігінің мекемесіне жүктелуіне байланысты марапат мекемелік бағыныстылыққа ие болды.
Ережесі
өңдеу- Медалмен халықты авариялардан, апаттардан, өрттерден және дүлей зілзалалардан қорғау жөніндегі міндеттерін үлгілі орындаған Қазақстан Республикасы төтенше жағдайлар органдарының қызметкерлері; Төтенше жағдайлардың алдын алу мен жоюға белсене араласып, ерлік пен жанқиярлық танытқан басқа да тұлғалар марапатталады.
- Медалмен марапаттау туралы өтініштерді беру және қарау тәртібін Қазақстан Республикасының Төтенше жағдайлар министрі айқындайды.
- Медалді Қазақстан Республикасы Президентінің атынан Қазақстан Республикасының Төтенше жағдайлар министрі, төтенше жағдайлар органдарының құрылымдық бөлімшелерінің басшылары табыстайды.
- Әрбір марапатталушыға медал тапсырумен бір мезгілде Қазақстан Республикасы Төтенше жағдайлар министрі қол қойған тиісті куәлік беріледі.
- Медал кеуденің сол жағында Қазақстан Республикасының мемлекеттік марапаттары болса, олардан кейін орналасады. Атаулы медалға арналған таспасы бар жолақ мемлекеттік марапаттары рәміздерінен кейін кеуденің сол жағында орналасады.
Сипаттамасы
өңдеуМедал мелхиордан жасалып, диаметрі 34 мм дөңгелек пішінге ие.
Медалдің алдыңғы жағында, ортасында — «жел тармақтары» іштей сызылған глобус пенен жер шарының сұлбасында азаматтық қорғаныстың халықаралық белгісі — қалықтаған қыран бейнеленген. Жер шарының аясы көк эмалмен жабылған.
Медалдың артқы жағында ортасында «Төтенше жағдайлардың алдын алуда және жоюда үздік шыққаны үшін» деген жазу жазылған.
Медалдағы барлық бейнелер мен жазулар шығыңқы. Медалдың шеттері ернеумен жиектелген.
Медаль құлақша мен шығыршық арқылы жібек қатқыл таспамен тысталған ені 32 мм және биіктігі 50 мм алтыбұрышты тағанға жалғанады. Таспаның ортасында ені 3 мм екі қызыл жолақ орналасады, олардың ортасында ені 2 мм көгілдір жолақ, қызыл жолақтардың шеттерінде ені 3 мм екі ақ жолақ орналасқан. Таспаның шеттерінде — ені 8 мм көгілдір жолақтар бар. Таспаның ені 30 мм.
Медал киімге қалқалы бекітпесі бар түйреуіш арқылы тағылады.