Уикипедия:Мақала шеберханасы/Тұлғаның маңыздылығы
| 1. Кіріспе | 
|
2. Пән | 
|
3. Мәні |
|
4. Дереккөздер |
|
5. Мазмұны |
|
6. Соңы! |
| Маңыздылық |
|---|
|
Егер белгілі бір тұлғаның өмірі, қызметі немесе шығармашылығы туралы беделді және тәуелсіз дереккөздерде жарияланып тұратын болса, онда мұндай тұлға туралы арнайы энциклопедиялық мақала жазуға болады. |
| ' |
Уикипедияға көптеген тұлғалар жөнінде арнайы мақала жазуға болады. Кез келген энциклопедияда сияқты Уикипедияда да тарихи маңызы бар тұлғалар мен замандастар туралы мақалалар бар.
Ондай мақалаларға қойылатын негізгі талаптар келесідей: тұлғаның қоғамдық маңызын сипаттайтын беделді және тәуелсіз дереккөздерден алынған ақпараттың жеткілікті болуы. Төменде көрсетілген тізімдегі талаптардың біріне жауап беретін тұлға туралы арнайы мақала жазуға болады. Бұл тізім толық емес, дегенмен негізгі талаптарды қамтиды:
- Белгілі бір сала бойынша еңбек сіңірген қайраткер
- Барлық елдер мен мемлекеттердің номиналды және нақты басшылары
- Шоу-бизнес (сән әлемінің өкілдері де кіреді) пен бұқаралық мәдениет өкілдері (кино, эстрада, әдебиет және т. б.)
- Кез келген спорт түрі бойынша Қазақстанның, Еуропаның, Азияның, әлемнің және Олимпиадалық ойындардың мен Паралимпиадалық ойындардың жеңімпаздары мен чемпиондары.
- Нобель сыйлығының, басқа халықаралық немесе Қазақстандық конкурстар мен сыйлықтарының иегерлері
- Өз елінің немесе әлемнің қоғамдық өмірінде аса маңызды деп бағаланған шығармашылық жұмыстың авторлары (өлеңдер, әндер, бейнелеу өнері, архитектуралық жобалар, актерлер, бишілер).
Ескерту: Егер белгілі бір тұлға танымал болған оқиғаның қатысушысы ретінде ғана белгілі болса, онда мақаланы тұлғадан гөрі сол оқиға туралы жазған дұрыс.
Маңызды ескерту: Көзі тірі тұлғалар туралы Уикипедияға жалған ақпарат жазбаңыз!
Сіздің мақалаңыз маңыздылық талаптарына жауап береді ме?
Бұл шеберхана әлі де жетілдіру үстінде. Өз пікірлеріңізді жазып қалдыруларыңызды сұраймыз. — Рахмет
|
