Унитарии

Унитарии – (латынша unitas - бірлік) құдайдың үш бірлігі туралы қағидаларды теріске шығаратын христиандық ілімді жақтаушылар. Бұл ілім христиандықтың тройца туралы негізгі догматы қалыптасу кезеңінде 2-4 ғасырда пайда болды. Оны жақтаушылар алғашқыда антитринитария (грекше anti - қарсы және латынша trinitas - үштік ) деп аталды. Олар Христ пен қасиетті рухты құдай- әкемен теңеле алмайды, тек оның көрінуі ғана деп есептеді. Антитринитария ілімі Европада Реформация жылдарында протестантизмнің радикал жақтаушылары арасында алғашында Италия мен Польшада (мұнда Унитарии социниана деп атады), сонан соң қазіргі кезде Унитарии шіркеулік ұйымы бар Англия мен Америкада пайда болды. Унитаридің әлеуметтік құрамы әр текті болды. Оны жақтаушылар католик шіркеуі тарапынан да, протест шіркеуі тарапынан да қудаланып отырды.