Фаэтон

Фаэтон (көне грекше Φαέθων, «ұшқынды», немесе Фаэфонт) — ежелгі грек мифологиясы бойынша[1] — Гелиос пен Клименаның ұлы немесе Климен (Гелиостың баласы) мен Меропа плеядасының баласы.

Фаэтон өз әкесінен (Гелиостан) күндей жарқыраған екі аяқты күймені басқаруға рұқсат беруін сұрады, бірақ оның олақ арбакешінің кесірінен келе жатқан дұрыс бағытынан ауып, жерге жақындап құлады және күйме өртеніп кетті. Гея Зевске өтініп, Зевс Фаэтонды найзағаймен ұрады, сонда Фаэтон эриданға түсіп, сол жақта қайтыс болады. Басқа аңыз бойынша, Зевс өртті өшіру үшін тасқын жібереді содан, Девкалион мен Пиррадан басқа ажалдылар өледі.

Фаэтон өліміне қайғырып жылаған қарындастары ме әпкелері Эридан жағасында терекке, ал көз жастары кәріптасқа айналады.

Оның алтындалған күймесі Коринфте сақталады, ал Фаэтон жұлдыз болады.

Басқа аңыздарда, Фаэтон — Кефал мен Эостың ұлы; немесе, Кефал мен Гемераның баласы. Бала кезінде қайтыс болып, жын періге айналады. Немесе, оны Афродита ұрлап кетіп, Гесиодтың ғибадатханасының күзетушісі етіп қояды. Кейде оны Тифонның да ұлы деп те атайды.

Еврипиданың «Фаэтон» және Феодоридтың «Фаэтон» трагедияларында әрекет етуші тұлға.