Федор Васильевич Потемкин

Потёмкин Фёдор Васильевич [11 (23). 2. 1895 ж., Ачкасово дер., Ярослав губ.,—20. 7. 1973, Мәскеу] — кеңес тарихшысы, профессор (1938), КСРО ҒА корр. мүшесі (1953). 1922 жылдан Ленинград пен Мәскеудің жоғары оқу орындарында сабақ берді. Фёдор КСРО ҒА тарих ғылымы бөлімшесі академик-хатшысының орынбасары (1953—57), КСРО ҒА Тарих институты жаңа тарих секторының меңгерушісі (1943—56), КОКП ОК жанындағы Жоғары партия мектебі жалпы тарих кафедрасының меңгерушісі болды. Жаңа Францияның әлеуметтік қозғалысы және экономикасы жөніндегі көптеген еңбектердің авторы. 1937 ж. «1831— 1834 жылдардағы Лион көтерілісі» (докторлық диссертация) еңбегін жазды. Фёдор тарихшы-марксистердің Бүкіл одақтық 10-конференциясына (1928), тарихшылардың Халықаралық 10-конгресіне (Рим, 1955) қатысты. Ленин орденімен т. б. ордендермен марапатталған.