Фенакит
Фенакит (грек. Phenakos – алдамшы деп кварцқа ұқсастығынан аталған) — силикаттар класына жататын минерал. Химикалық формуласы: Be2[SіO4], құрамы (%): BeO – 45,5; SіO2 – 54,5, қоспалары: Al, Fe, Mg, Ca, Ge, B, TR, Na2O. Тригондық сингонияда кристалданып, ромбоэдр, призма, ине тәрізді кристалдар түзеді.
Агрегаттары друза түрінде болады. Көбіне түссіз немесе ақ, кейде қызғылт және сарғыш түсті (жарықта түссізденеді), шыны немесе май тәрізді жылтыр.
Қатт. Моос шкаласы бойынша 7,5 – 8, тығызд. 2,9 – 3,0 г/см3.
Пегматиттерде, гидротермалдық, пневматолиттік түзілімдерде ұшырасады. Фенакиттен бериллий алынады. Фенакиттің мөлдір кристалдары зергерлік бұйымдар жасауда қолданылады. Қазақстанда Қарағайлы, Ақтас кен орындарының грейзендерінде ұсақ кристалдар түрінде кездесі.
Дереккөздер
өңдеу"Қазақ Энциклопедиясы", 9 том
| Бұл мақаланы Уикипедия сапа талаптарына лайықты болуы үшін уикилендіру қажет. |