Физиологиялық психология

Физиологиялық психология — физиологиялық және неврологиялық процестерге негізделген психологиялық құбылыстарды сипаттап түсіндіруге бағдарланған психология саласы. Оның пәндері мен әдістерінің көпшілігі биологиямен және физиологиямен ортақ. Бұл саланы белгілеу үшін азды-көпті дәл бірқатар синонимдер, оның ішінде биологиялық психология, биопсихология, психобиология және психофизиология терминдері қолданылады.

Физиологиялық психология XIX ғасырдың соңында пайда болды. Бұл терминді В. Вундт эксперименттік психологияны белгілеу үшін енгізген. Физиологиялық психологияны В. Вундт дуализмдік тұрғыдан талқылады. Ол физиологиялық психологияны қозғалыс реакциясымен, қарапайым сезімдермен, түсініктермен шектеді. Физиологиялық психологияда сезім мүшелері мен жүйке жүйесінің физиологиясынан алынған зерттеу нәтижелері мен әдістері қолданылады.