Фитохимия институты

Фитохимия институты ҚР Білім және ғылым министрлігінің Фитохимия институты, (Қарағанды), республикадағы ірі ғылыми орталық. Химия, фармакология және биология бағытындағы ғылыми-зерттеу зертханалары, ботаника бағы, дәрілік өсімдіктер өсіретін тәжірибе шаруашылығы бар. Фитохимия институты өз қызметі барысыңда 494 дәрілік өсімдік түріне түбегейлі зерттеу жүргізіп, мыңнан астам қосылыстар алып, оларды идентификациялады. Табиғи косылыстар негізінде 600-ден астам туынды синтезделді. Биологиялық белсенді қосылыстарды орталықтандырылған сақтау мен жалпы мемлекеттік бірегей есепке алу және ҚР ғалымдарының зияткерлік меншігін қорғау мақсатымен Фитохимия институты жанынан Республикалық биологиялық белсенді қосылыстар туралы мағлұмат топтастырылды. Институт өсімдік шикізаты негізінде 40-тан астам дәрілік препараттарды өндіріске дайындады. 1995-2005 жылдары институт қызметкерлерінің 100-нан астам ғылыми жұмыстары, оның ішінде 15 монография, 3 әдістемелік нұсқау жарық көрді, өнертабысқа 70 ұсыныс берілді, ҚР 44 патенті мен алдын ала патенті, 9 АҚШ, 3 Еуропа және Қытай патенті алынды. Осы саладағы ірі жетістік тықыр жөне қаңбақ жусанның негізіңде жасалған қатерлі ісікке қарсы қолданатын «Арглабин» және «Салсоколлен» препараттары болып табылады.

Препаратдүние жүзінің 11 елінде (Жапония, Қытай, АҚШ, Ұлыбритания, Германия т. б.) патентке ие болған. 2005 жылы қуаты жылына 2 млн ампула шығарылатын Қарағанды фармацевтика кешенінің 1-кезегі іске қосылды. Фитохимия институтында ҰҒ А академигі, 8 ғылым докторлары, 39 ғылым кандидаты жұмыс істейді. Ресей ғылым академиясының алтын медалімен марапатталған. 2006 жылдан Фитохимия институты «Фитохимия» ғылыми-өндірістік орталығы болып қайта құрылды. Орталық басшысы ҚР ҰҒА академигі, химия ғылымының докторы, профессор С.М. Әдекенов.