Флоренц мектебі

ФЛОРЕНЦИЯ МЕКТЕБІИталияның басты көркемсурет мектептерінің бірі. Флоренция мектебінің негізін қалаушы Джотто (13 — 14 ғасырлар аралығында) болды. 15 ғасырдың басында Флоренция мектебі Қайта өркендеу дәуіріндегі жаңа гуманистік өнердің жолбасшысына айналды. Осы кезеңде архитекторлар Ф.Брунеллески мен Л.Б. Альберти, мүсінші Донателло, кескіндемешілер Мазаччо, Д.Гирландайо, т.б. Флоренция мектебінің өркендеуіне елеулі үлес қосты. 1460 — 70 ж. Флоренция мектебінде образ күрделілігіне (А.Верроккьо, С.Боттичелли) аса көңіл бөлінді. Жоғары Қайта өркендеу дәуірі кезеңінде Флоренция мектебі өкілдері Леонардо да Винчи, Микеланджело шығармаларында қаїармандық бейне, батыл реалистік ізденіс, өнер мен ғылымды үйлестіру мәселелері көрініс берді. 1530 ж. Флоренция мектебінде маньеризм (Я.Понтормо, Дж. Вазари) бой көрсетті. Флоренция қаласының билеуші топ өкілдері тарапынан жасалған қам-қорлықтың нәтижесінде Флоренция мектебі кезінде өзінің нағыз гүлдену кезеңін өткізді. Әсіресе, Медичи мен Лоренцолар өз сарайларында үздік суретшілер мен ақындардың басын қосып, оларға қамқорлық жасап отырған; сондай-ақ өз дәуіріндегі өнер туындыларын, медальдар мен ескілікті жәдігерлерді жинап, коллекцияларын толықтырды. Флоренция мектебі Италияның Қайта өркендеу дәуіріндегі басқа көркемсурет мектептерінің дамуына зор ықпал жасады.

Сілтемелер өңдеу

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IX том