Форманит
ФОРМАНИТ (Австралия геологы Форманит Форманның құрметіне аталған) — оксидтер тобына жататын минерал. Фергусонитпен бір изоморфтық қатар түзуге қатысады. Құрамы: Y(Ta,Nb)O4. Тетрагондық сингонияда кристалданады, кристалл күйінде сирек кездеседі. Көбінесе түйіршікті агрегаттар түрінде ұшырасады. Түсі күңгірт қара, мөлдір емес, шыныдай жарқырайды, қатт. Моос шкаласы бойынша 5,5 — 6,5, тығызд. 7,03 г/см3, жіктілігі жетілген, морт сынғыш. Алғаш Австралияда кесекті шөгінді тау жыныстары арасынан табылған. Қазақстанның Тарбағатай өңірінде Ақжайлау гранит сілемдеріндегі пегматиттерде эвксенитпен бірге кездеседі. Металл кентасы ретінде және аз мөлшерде зергерлік бұйымдар жасауда қолданылады.
Дереккөздер
өңдеу«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9 IX том
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
| Бұл мақаланы Уикипедия сапа талаптарына лайықты болуы үшін уикилендіру қажет. |