Фоспинол

Фоспинол — 1,2,5 үшметил, 4,4 диметилфосфонпиперидин, 4-ол. Суда жақсы еритін ақ түсті кристалды, улылығы төмен зат. Ә.Б. Бектұров атындағы Химия ғылымдары институтында тәжірибелік жолмен алынған. Фоспинолдың өсімдік өсуін тездету қасиеті әсіресе картоп дақылы үшін өте тиімді. Оның 0,0001%-дық ерітіндісімен картоп сабақтарын гүлдеу кезінде өңдесе картоп түйіндерінің шығымы мен тауарлық дәрежесі 20 — 30%-ға артып, крахмал мөлш. 2 — 3%-ға өседі. Қазіргі кезде Фоспинол Қазақстанда, Ресейде, т.б. елдерде пайдаланылуда.