Фталь ангидриді
Фталь ангидриді, С8Н4О3 — о-бензолдикарбон (фталь) қышқылының ангидриді. Фталь ангидриді ине тәрізді кристалды зат, балқу t 130,8°, қайнау t 284,5°С, тығызд. 1,527 г/см3 (20°С-та). Cуық суда нашар, спиртте жақсы, органикалық еріткіштерде біркелкі ериді. Ыстық суда еріткен кезде о-фталь қышқылына дейін гидролизденеді. Фталь ангидридін алу үшін о-фталь қышқылының дегидролизін және нафталинді катализдік жолмен тотықтырады. Оның маңызды туындыларының бірі балқытылған Фталь ангидридін аммиакпен әрекеттескенде түзілетін — фталимид. Фталь ангидридінің фенолмен конденсаттану реакциясы химиялық технологияда кеңінен қолданылады. Фталь ангидридін алкид шайырларын және басқа қосымша өнімдер алуда, бояғыш заттар синтезінде, т.б. пайдаланады.
Сілтемелер
өңдеу"Қазақ Энциклопедиясы", 9 том
| Бұл мақаланы Уикипедия сапа талаптарына лайықты болуы үшін уикилендіру қажет. |