Бұл қосымша уақытқа созылған тарихтағы тұңғыш финалдық ойын еді. 73 минутта Чехословакия сапынан Антонин Пуч есеп ашқанымен,81 минутта Раймондо Орси есепті теңестірді. Ал, қосымша уақыттың бесінші минутында Анджело Скьявио Италияны алға шығарды. Кейін белгілі болғандай, бұл жеңіс добы еді. Италия әлем чемпионы атанды.
Италия футболшыларын диктатор Бенито Муссолини қатты қысымға алыпты. Жеңбесе өлім жазасына ұшырайтын болған соң футболшылар барын салып, сол кездегі ең мықты деген чехтарды жанкештілікпен тізе бүктіріпті.
Италия құрамасының сапында Луис Монти атты аргентиналық келімсек ойнапты. Ол 1930 жылғы финалда да Аргентинаның сапында алаңға шыққан болатын. Осылайша, ол екі түрлі ұлттық құраманың сапында финалдық матчта ойнаған тарихтағы жалғыз футболшы.
