Фёдор Фёдорович Федоровский

Федоровский Федор Федорович(26.12.1883, Чернигов-7.9.1955, Мәскеу)-совет театр суретшісі, КСРО халық суретшісі(1951), КСРО Көркем-сурет академиясының толық мүшесі (1947) әрі вице-президенті (1947-1953). 1907 жылы Строганов училищесін (К.А.Коровин мен М.А.Врубельдің шәкірті) бітірді. С.И.Зимин операсын театрында жұмыс істеді. 1912-1913 жылдары С.П.Дягилевтің шетелдергі (Париж және Лондонда) Орыс маусымы спектакільдерін көркемдеді. 1921-1941 жылдары және 1947-1953 жылдары Үлкен театрдың бас суретшісі болды. Ол Ж.Бизенің «Кармен» (1907,1920), А.Г.Рубинштейннің «Демон» (1909,екеуі де С.И.Зимин театры), М.П.Мусоргскийдің «Борис Годунов» (1927,1948), А.П.Бородиннің «Князь Игорь» (1934,1944), И.И.Дзержинскийдің «Тынық Дон» (1936, бәрі Үлкен театрда), М.И.Глинканың «Иван Сусасин» (1939, Ленинградтың С.М.Киров атындағы опера және балет театры) т.б. опералық спектакльдердің декорация эскизін жасады. КСРО мемлекет сыйлығының лауреаты (1941,1943,1949,1950,1951). Ленин орденімен және басқа 2 орденмен марапатталған.

Файл тақырыбы

Фёдор Фёдорович Федоровский
Туған күні	14 (26) желтоқсан 1883 (1883-12-26)
Туған жері	Чернигов
Қайтыс болған күні	7 қыркүйек 1955 (1955-09-07) (71 жас)
Қайтыс болған жері	Мәскеу

Дереккөздер

Қазақ энциклопедиясы