Әзірет Сұлтан мешіті
Әзірет Сұлтан мешіті — Астана қаласындағы орналасқан мешіт. Дәстүрлі ислам стилінде салынған ғибадат үйі Бейбітшілік және келісім, Тәуелсіздік сарайлары мен «Қазақ елі» монументі сынды айбынды нысандармен іргелес орналасқан. Рухани орын 13 га. жерді алып жатқан аумақта орналасқан, мешіттің жалпы аумағы 17, 7 мың шаршы метрді құрайды. Мешіт жобасы қазақтың дәстүрлі ою-өрнектері мен ұлттық нақыштағы сәндік элементтері қолданыла отырып, классикалық ислам үлгісінде орындалған.[1]
| Әзірет Сұлтан мешіті | |
 | |
| Ел | |
|---|---|
| Қала | |
| Статусы |
Қазақстанның ұлттық мешіті |
| Ағымы | |
| МДБ | |
| Мешіт түрі |
жұма мешіті |
| Сәулет стилі |
классикалық ислам |
| Соғушы |
Sembol Insaat |
| Құрылысы |
2010 — 2012 |
| Имамы |
Наурызбай қажы Тағанұлы |
| Жалпы ауданы |
11 гектардан аса |
| Ішкі ауданы |
17 700 м² |
| Сыйымдылығы |
5000 — 10000 |
| Күмбездердің саны |
9 |
| Күмбездің биіктігі |
51 м |
| Күмбездің диаметрі |
28,1 м |
| Мұнаралар саны |
4 |
| Мұнаралардың биіктігі |
77 м |
| Сайты | |
| Картада орналасуы | |
|
| |
Координаттар: 51°07′30″ с. е. 71°28′20″ ш. б. / 51.12500° с. е. 71.47222° ш. б. (G) (O) (Я)
Мешіттің ашылуы өңдеу
Әзірет Сұлтан мешітің құрылысы 2009 маусым айында басталған болатын. 2012 жылдың 15 қаңтар күні мешітте өрт болуына байланысты көктемде ашылуы керек мешіт құрылысы кейінге шегерілді. Нұрсұлтан Назарбаев Астана қаласын дамытуға арналған жиналыста Әзірет Сұлтан мешітін салып жатқан құрылыс компаниясына құрылысты 6 шілде күні аяқтауды бұйырды.
2012 жылдың 6 шілде күні Әзірет Сұлтан мешітің салтанатты түрде ашылуы өтті. Ашылу салтанатына ҚР-дың президенті Нұрсұлтан Назарбаев қатысты.
Мешіт жайлы айтылған сөздер өңдеу
Құрылыс жұмыстарына жоғары баға берген ҚР Президенті, 2011 жылы 7 желтоқсан күні мешітті зиярат етіп былай деді: «Бұл Орталық Азиядағы ең үлкен мешіт болып табылады. Ол мемлекет есебінен емес, адамдардың қосқан қаражатының есебінен салынып жатыр. Мешіттің құрылысы алдағы жылы аяқталады. Сол кезде салтанатты түрде ашатын боламыз», – деді.[2]
Мешіттің күмбезі өңдеу
«Әзірет Сұлтан» мешіті – Қазақстан бойынша ең үлкен күмбезді мешіт. Оның биіктігі – 51, ені – 28,1 метр. Ал бұл күмбездің жиегіндегі 8 күмбездің әрқайсысының ені 7,6 метр, ал вестибюль күмбезінің ені 15,2 метр. Мешіттің айшықты келбетін 4 мұнара толықтырады. Олардың әрқайсысының биіктігі 77 метр.[3]
Сипаттамасы өңдеу
Имандылық ордасы үш қабаттан тұрады. Әр қабатта ғибадатхана залдары, неке қиюға және дәрет алуға арналған бөлмелер, Құран оқуға және оқу ағартушылық топтың сабақ оқуына арналған залдар, асхана бар. Мешітте ерлерге арналған 4 000 адамдық намаз залы, халыққа қызмет көрсету орны, әйелдерге арналған 1 000 орындық намаз залы, имам, наиб имам, азаншы бөлмелері орналасқан.[4] Сондай-ақ арнайы неке қию бөлмесі, кітапхана сынды қосымша орындармен жабдықталған.[5] Мешіттің алдыңғы жағынан қабырғалары табиғи тастармен әрлендірілсе, темір-бетонды күмбездері металмен көмкеріле өрілген.[6] Жоба жетекшісі Шефик Искендероғлының айтуынша, құрылысқа қажетті материалдар әлемнің 11 елінен жеткізілген. Сондай-ақ, отандық өнімдер де пайдаланылған.[7]
Жоба классикалық ислам стилі мен дәстүрлі қазақ орнаменті және декоративті элементтер қосындысы ретінде құрастырылған.[8] Жалпы құрылыс аумағы 20,6 мың шаршы метрді құрайды.[9]
2012 жылы 15 қаңтар күні Әзірет Сұлтан мешітінде өрт болды. Өрттің салдарынан 1 адам қаза тапты. Өрт көлемі 800 кв. метрді қамтыған.[10] Кейінірек 21 ақпанда сараптама нәтижесі бойынша хабарланғандай өрт себебіт салғырттық, техникалық қауіпсіздік ережелерін сақтамағандық деп танылды.[11]
Мешіттің ресми веб-сайты жұмыс істейді.[12]
Дереккөздер өңдеу
- ↑ Егемен Қазақстан газеті(қолжетпейтін сілтеме)
- ↑ Ислам және Өркениет газеті. Мұрағатталған 7 наурыздың 2016 жылы.
- ↑ Егемен Қазақстан газеті(қолжетпейтін сілтеме)
- ↑ Егемен Қазақстан газеті(қолжетпейтін сілтеме)
- ↑ Ислам және Өркениет газеті. Мұрағатталған 7 наурыздың 2016 жылы.
- ↑ Егемен Қазақстан газеті(қолжетпейтін сілтеме)
- ↑ Ислам және Өркениет газеті. Мұрағатталған 7 наурыздың 2016 жылы.
- ↑ ҚМДБ ресми сайты Мұрағатталған 1 ақпанның 2012 жылы.
- ↑ Ислам және Өркениет газеті. Мұрағатталған 7 наурыздың 2016 жылы.
- ↑ Пожар в мечети Астаны потушен
- ↑ [1] Мұрағатталған 25 ақпанның 2012 жылы.
- ↑ Хазрет Сұлтан мешітінің ресми веб-сайты