Химия оқу пәні және ғылыми сала
Химия” пәнін оқытудың жалпы мақсаттары: 1. Оқушылардың қоршаған әлемді құраушы химиялық білімдер туралы, осы салада қолданылатын тәсілдер мен әдістер туралы, ғылыми дүниетанымдық көзқарастар мен тұлғалық-мәнді қызметті жүзеге асыру құралының негізі ретінде білім жүйесін қалыптастыру. 2. Оқу пәнінің көмегімен жалпы орта білім берудің жоғары сатысының түлектерінің құзіретін дамыту. 3. Өз бетінше жұмыс жасау арқылы және қажеттіктерін қанағаттандыру мен өздерін көрсете білулеріне сәйкес оқушылардың танымдық және интеллектуальдық қабілеттерін дамыту. “Химия” пәнін оқытудың міндеттері: • Білім, түсінік және түсініктерді, заңдылықтарды, заңдарды, теорияларды, ұғымдарды және химия ғылымының әдістерінің қолданылу мүмкіндіктері мен түсініктері, білігі негізінде оқушылардың қоршаған әлем туралы; • жаратылыстану-ғылыми көзқарастарын қалыптастыру; • оқушылардың күнделікті өмірде және оқу процесі кезінде маңызды химиялық заттармен химиялық аспаптармен ұқыпты, қауіпсіз жұмыс істеу дағдыларын қалыптастыру; • оқушыларды ғылым мен өндірістің негізгі бағыттарының дамуымен, экономикалық проблемаларды шешуде химияның техника мен технологиядағы ролімен таныстыру; • әлемнің қазіргі заманғы ғылыми көрінісін ойлау мен қазіргі заманғы білімді, мәдениетті және құзыретті тұлғаға қажетті біліммен және қызмет тәсілімен қаруландыруда химияның маңызды үлес қосатынын түсіндіруді қамтамасыз ету; • оқушыларда химиядан өз бетінше білім алуды, сонымен қатар алынған білімді әртүрлі химиялық құбылыстарды, заттардың құрылысы мен қасиеттерін, қазіргі заманғы технологияларды практикада қолдануды түсіндіру үшін алынған білімдерді қолдана білуді қалыптастыру; жаратылыстану ғылыми және өзіндік білімді жалғастыру мүмкіндігін қамтамасыз ету; • химияны оқу кезінде оқушылардың проблемаларды шешу тәсілдері мен, ақпараттық және коммуникативтік қызмет тәсілдерін білуді қамтамасыз ету; • оқушыларды пән көмегімен болашақ мамандығын дұрыс таңдай білуге дайындауға және жоғары кәсіби оқу орнында оқуын жалғастыру мүмкіндігіне көмектесу. 10-11 сыныптардағы Химия пәнін оқыту мазмұны мына дидактикалық принциптерге сәйкес құрылған: • мақсаттар мен жоспарланған нәтижелерге сәйкес болуы; • оқу процесі арқылы білім, білік, дағды қалыптастыру міндеттеріне сәйкес болуы; • оқушылардың жас ерекшеліктеріне сәйкес болуы; • оқу пәні мазмұнының сабақтастығы; • тұлғаның дамуын қамтамасыз ететін пропедевтикалық білім берудің практикалық бағыттылығын жүзеге асыру; • білім беру мазмұнында Қазақстан экономикасының аймақтық ерекшеліктерінің көрініс табуы. • Жоғарыдағы аталған принциптердің негізінде жалпы орта білім беру деңгейіндегі «Химия» оқу пәнінің құрылымы мен мазмұны: • жоғары сыныпта оқушыларға жаратылыстану ғылымдарының жетістіктері туралы білім беруде оқушылардың психофизиологиялық қызығушылқтары мен қабілеттерінің ескерілуі; • оқу пәнінің мазмұны мен құрылымының тұлғаға бағдарлануы; • оқытудың мазмұндық және процессуалдық бірлігінің сақталуы; • жаратылыстану пәнін оқытудың күтілетін нәтижелері оқушылардың алған білімінің жиынтығымен емес, оны практикада қолдана алу біліктерімен анықталуы сияқты дидактикалық ұстанымдарға сәйкес құрылды. Осындай дидактикалық ұстанымдарға сәйкес жоғары сыныптардағы оқу бағдарламасы келесідей реттілікпен құрастырылды: біріншіден, оқу бағдарламасында тұлғаның өзіндік әлеуетінің дамуына ықпал етуші танымдық-дамытушылық қызметінің қамтылуы. екіншіден, оқушылардың табиғи процестер мен құбылыстарға зерттеу жүргізе алу дағдыларын қалыптастырушы танымдық-оқыту қызметінің қамтылуы. үшіншіден, білім мен тәрбиенің бір-біріне тәуелділігін және оқушылардың қоршаған ортаға қатынасын білдіретін тәрбиелік қызметінің қамтылуы. төртіншіден, қазіргі өзгермелі дүниеде тұлғаның өз бетінше шешім қабылдауына жағдай жасайтын әлеуметтік-адаптациялық қызметіңің қамтылуы.
Химия пәнінің мазмұндық элементтерін таңдау мыналар арқылы жүзеге
Химия пәні бойынша оқу жүктемесі ҚР ЖМББС типтік оқу жоспарына сәйкес химия пәнінің апталық жүктемесі жаратылыстану-математика бағытында : 10 сыныпта – аптасына 3 сағат, жылына-102 сағат; 11 сыныпта – аптасына 3 сағат, жылына-102 сағат;