Хисмет Бозанұлы Табылдиев
Хисмет Бозанұлы Табылдиев (8 қыркүйек 1936, Бесікті, Махамбет ауданы, Атырау облысы, Қазақ КСР - 25 қантар 2018, Атырау) — тарих ғылымдарының докторы (1998), профессор (1997), ҚР Қоғамдық ғылымдар академиясының академигі (1997). Атырау облысының Құрметті азаматы.
| Хисмет Бозанұлы Табылдиев | ||||||||||
| Лауазымы | ||||||||||
|---|---|---|---|---|---|---|---|---|---|---|
| ||||||||||
| 1991 — 1999 | ||||||||||
| Ізашары | Ақылбаев Жамбыл | |||||||||
| Ізбасары | Иманғалиев Асхат | |||||||||
| Өмірбаяны | ||||||||||
| Дүниеге келуі | 8 қыркүйек 1936 Бесікті, Махамбет ауданы, Атырау облысы, Қазақ КСР | |||||||||
| Қайтыс болуы | 25 қаңтар 2018 (81 жас) Атырау | |||||||||
| Марапаттары |
| |||||||||
өңдеу  |
||||||||||
Өмірбаяны
өңдеуТабылдиев Хисмет Бозанұлы 1936 жылдың 8 қыркүйек айында Атырау облысының Махамбет ауданы Бесікті ауылында дүниеге келген.
1957 жылы Гурьев қаласындағы Орджоникидзе орта мектебін бітірген
1962 жылы Абай атындағы Қазақ Мемлекеттік педагогика институтының тарих, әдебиет және тіл мамандығын бітірген.
1962-1963 жылдары Гурьев қаласындағы Орджоникидзе орта мектебінде мұғалім.
1963-1976 жылдары Гурьев педагогикалық институтының оқытушы, аға оқытушы, доцент, факультет деканы қызметін атқарды.
1976-1991 жылдары Сырттай оқу бөлімінің проректоры.
1991-1999 жылдары Х.Досмұхамедов атындағы Атырау мемлекеттік университеті ректоры қызметтерін атқарды.[1]
2000 жылдан бастап Х.Досмұхамедов атындағы Атырау мемлекеттік университеті ректорының кеңесшісі болып жұмыс істеді.
Қоғамдық жұмыс
өңдеуОблыстық Мәслихаттың депутаттығына қатарынан үш мерзімге сайланған. Облыстық мәслихат депутаты ретінде награда комиссиясын басқарған.
2000-2004 жылдары Атырау облыстық мәслихаттың хатшысы.
2001-2004 жылдары Атырау облыстық «НұрОтан» партиясының төрағасы.
Облыстық «Атырау» газеті бас редакторының орынбасары (2005), Қазақстан Журналистер Одағының мүшесі, Облыстық және қалалық ономастикалық комиссиясының мүшесі.
Еңбектері
өңдеу1979 жылы «Социалистік Гурьевтің тарихы» тақырыбында тарих ғылымдарының кандидаты диссертация қорғады. Диссертация жетекшісы академик Салық Зиманов.[2]
1998 жылы «Қазақстандағы сауатсыздықты жою: тарихи тәжірибе» тақырыбында тарих ғылымдарының докторлық диссертация қорғады.
Доцент (1976), профессор ЖАК (1992), Х.Досмұхамедов атындағы Атырау мемлекеттік университеті «Құрметті ректоры», ҚР гуманитарлық Академиясының академигі (1997).
250-ден аса ғылыми еңбектер мен мақала жазып, республика және облыс көлемінде газеттер мен журналдарда жариялады. Хисмет Бозанұлы 3 томдық «Боздақтар» жинағын шығарушы, 12 томдық «Үлкен Қазақ Совет энциклопедиясы» авторларының бірі.
Атырау өлкесінен 2000 жылы алғаш жарық көрген «Атырау» энциклопедиясын шығаруға атсалысты. Оның қаламынан туған «Отты жылдар», «Жеңісті жақындатқан жандар», «Адамдар. Тағдырлар. Люди. Судьбы», Атырау қаласынан «Атырау өлкесі — Ұлы Отан соғысы жылдарында» атты және басқа да кітаптар баспадан шықты.[3]
"Ақтаңдақтар ақиқаты", "Құрманғазы", "Кіші жүз руларының тарихы мен шежіресі", "Сауатсыздықтан білім шыңына", "Сарайшық", "Қазақстанда сауатсызды жоюдың қиындықтары", «Өзгерген өмір» жарияланымдардың авторы.
Хисмет Бозанұлы басшылық еткен кезде 34 сала бойынша маман даярланды. 12 жаңа маман оқытатын факультет жұмыс істеді. 1991-1992 оқу жылында Атырау университетінде бірде-бір ғылым докторы болмаса, 1997-1998 оқу жылында алты ғылым докторы, 30 профессор, 130-дан аса ғылым кандидаты мен доцент еңбек етті.
Марапаттары
өңдеуАтырау облысының құрметті азаматы, Атырау қаласының (1997) және Құрманғазы ауданының (2001) құрметті азаматы. Парасат орденімен (2009), «Еңбек ардагері», «Ерен еңбегі үшін», «Қазақстан Республикасының Тәуелсіздігіне 10 жыл», «Қазақстан Парламенті 10 жылдығы», «ҚР ғылымын дамытуға сіңірген еңбегі үшін», «10 лет ассоциации вузов Прикаспий», «60 років визволения Украіни від фашиствских загарбників (Украина)» медальдарымен, Ахмет Байтұрсынұлы орденімен[4], «ҚР білім беру ісінің үздігі», «ҚР білім беру ісінің құрметті қызметкері» төс белгілерімен және әртүрлі грамоталармен марапатталған.