Хромит кенорындары
Хромит кенорындары құрамы бойынша белгілі бір дәрежеде дифференциацияланған және серпентинденген ультранегізді таужыныстар массивтерінде орналасқан.
Массивтер лакколит, лополит және силл пішінді болады. Әдетте олардың төменгі жағы серпентинденген дуниттерден тұрады.
Олардың құрамында желі, линза, түтікше, ұя және тұтас жолақтар мен секпілді рудалардан тұратын кен денелері орналасады.
Рудалардың бітімі жолақты, таңдақ, нодульді, брекчиялы және секпілді; құрылымы ұсақ және орташа түйірлі. Руда хром шпинелидтерден, магнетитен, тальктен, карбонаттардан, кейде оливин мен пироксеннен тұрады. Хромит кенорындарының басым бөлігі геосинклиндік дамудың алғашқы сатыларындағы гипербазиттермен ассоцияланады.
Титанмагнетит кенорындары көбінесе геосинклиндік дамудың алғашқы сатысындағы габбро-пироксенит-дунит массивтерімен генетикалық байланысты.
Руда денелерінің орналасы протомагмалық тектоника элементтерімен және кейінгі айырылымды бұзылыстармен бақыланады да, желі, линза, ұя, шлир пішінді, ал рудалардың бітімі шомбал жолақтанған, таңдақ, секпіл болады.
Оларға сидерониттік құрылым тән. Негізгі руда минералдар – титанмагнетит, ильменит пен рутил. Бейруда минералдар пироксен, амфибол, негізді плагиоклаз, хлорит, биотит пен анартастардан тұрады.
| Бұл мақаланың сәйкес санаты қойылмаған. |