Хэйлибэри Астана

Хэлибери Астана мектебі 2011 жылы құрылған Британдық жеке мектебі. Мектеп Қазақстан Республикасы, Астана қаласында орналасқан.

Мектеп тарихы мен даму барысы

Ежелден келе жатқан британдық беделді Хэлибери мектебі Шығыс Үндістан компаниясының арқасында бұрыннан Азия елдерімен ара-қатынасын бекіткен. Ұлыбританияның кез келген мектебінде Қазақстандық оқушылардың саны көп болғандықтан, осы дәстүрді жалғастыру мақсатында Хэлибери мектебі 2008 жылы Қазақстан Ремпубликасы, Алматы қаласында ашылды. Хэлибери Алматы мектебінің қарқынды даму барысында, ел ордасы Астана қаласында ұқсас мектеп салу жоспарланды. Жоба 2009 жылы басталып, мектеп құрылысы 2010 жылдың шілде айында басталды. Мектеп дизайны Ұлыбританиядағы Хэлибери мектебінің жаңа жобасына сәйкес. Мектеп ағаш егілген кең алаң мен сыныптар топтамасымен қоршалған амфитеатр, спорттық құрал жабдықтар мен ішкі ойын алаңдарымен жабдықталған. Хэлибери Астана мектебі Ұлыбританиядағы Хэлибери мектебінің Қазақстан алдындағы міндеттемесі мен Орталық Азия аймағының даму белгісі.

“

Астана қаласында жаңа мектептің дамуына үлес қосқанымызды мақтан тұтамын. Үздік британдық білім беру дәстүрін Қазақстанға ала келе, біз болашақта Орталық Азияның қарқынды дамуына үлкен үлес қосатын балалардың білім беру жүйесінде үлкен рөл атқарамыз.

”

Джо Дэвис, Хэлибери жетекшісі

Білім беру мақсаты мен талаптары

Хэлибери Астана мектебі 2011 жылы тамыздың 31-де елбасы Нұрсұлтан Назарбаевтің қолдауымен ашылды. Хэлибери Алматы, Орвел Парк қаласындағы Саффолк және Малверн қаласындағы Даунс мектептерінің директоры болған Эндрю Остер мырзаның басшылығымен мектепте 2 жастан 11 жасқа дейін балалар білім ала алады. Жыл сайын мектепте балалар саны мен жасы өсіп, ақыры 18 жасқа толғанға дейін білім ала алады.

Ұлыбританияның барлық мектептерінде оқытылатын сабақтар тізімімен қатар, Хэлибери Астана мектебінде әр жас оқушыларына Қазақ тілі, Орыс тілі, География және Тарих пәндері оқытылады. Тіл пәндерінен басқа сабақтардың барлығы 3 тілдік білімі бар ассистенттердің көмегімен ағылшын тілінде жүргізіледі.

Мектепте бала-бақша, мектепке дайындық, Key Stage One және Key Stage Two сатыларында дәріс Ұлыбританияның білім беру үлгісіне сай британдық тәжірибелі мұғалімдермен беріледі. Key Stage Three сатысы 2012 жылы басталып, оқушылар 16 жаста IGCSE (халықаралық орташа білім сертификаты), және 18 жаста IB (Халықаралық Бакалавриат) Дипломын алу үшін емтиханға дайындалады.

Ұлыбританияның барлық жеке мектептерінен қалыспайтын оқу үрдісінде қажетті барлық құрал-жабдықтармен жарақтандырылған, баланың ағылшын тілі білімін жетілдіретін қызықты да есте қаларлық дәріс берумен қатар мектеп мақсаты оқушыларға болашақта Қазақстан, Ұлыбритания және АҚШ елдеріндегі үздік университеттерде оқу мүмкіндігін беру.

Соңғы жаңалықтар

Қазақ, орыс және ағылшын ұлт оқушылары басым болса да, мектепте тағы 20 ұлт өкілдері оқиды. Осы балалардың барлығы Ұлыбританиядағы Хэлибери мектебінің атақты түлектерінің атымен аталған үйлерге (house) бөлінеді.

• Атли, Фиона Белл
• Бартл Фрер, Хелен Остер
• Эдмонстоун, Джонатан Ричардс
• Киплинг, Бенжамин Фарели

Атли үйінен басқалары Ұлыбританиядағы Хэлибери мектебінде де кездеседі.

Болашақта даму жоспарлары

Қазақстаннан тыс жерде тұратын адамдар мен Орталық Азия елдері үшін мектеп интернаты 2014 жылы ашылады деп жоспарланды.