Чарлз Хортон Кули

Чарлз Хортон Кули (17.08.1864, Мичиган - 08.05.1929, Мичиган) — америкалық әлеуметтанушы, "Зеркальное Я" теориясының авторы, "шағын топтар" теориясының негізін қалаушылардың бірі. Мичиган университетінде білім алып, кейін сонда қалып дәріс берумен айналыскан. Кули әлеуметтік концепциясының жалпы теориялық бұлағы: Гете мен Эмерсонның философиясы; У.Джемстің кызметтік психологиясы; Конттың, Спенсердің, Гумпловичтің, Тардтың, Уордтың, Гидденгстін әлеуметтануы. Кулидің әлеуметтану теориясының негізі оның үш томдық "Адам табиғаты және әлеуметтік тәртіп" (1902), "Әлеуметтік ұйым" (1909), "Әлеуметтік үрдіс" (1918), "Әлеуметтану теориясы және әлеуметтік зерттеу" (1930) атты еңбектерінде жарық көрген. Кулидің пікірінше қоғамдағы бірінші фактілер — адамдардың бір-бірі жөніндегі ойлары. Ал тұлға болса — ол адамның басқа қоршаған адамдардың пікіріне психологиялык реакциясы. Адамның өзі туралы ойы — менің басқа адамдарға қалай көрінуім, басқа адамдардың ол көрінуіме беретін бағасы деп есептеген. Кулидің айтуынша алғашқы топ — негізгі түсініктеме. Адамның құңдылыктарының қалыптасуына осы топ зор эсер етеді. Кули адамдардың әлеуметтену процестерімен де айналысқан.