Чемпионат
Қатысушыларының қайсысы чемпион атанатынын анықтауды мақсат ететін жарыс түрі
Чемпионат — спорттың әр түрінен жыл сайын өткізілетін республикалық, еуропалық, азиялық, әлемдік, т.б. біріншіліктер.
Чемпионаттың командалық, жекелей-командалық, жекелей түрлері бар. Командалық чемпионатта жеңіс тұғырына команда құрамы түгел көтеріліп, барлық мүшелері чемпион атағына ие болады, мыс., футбол, баскетбол, волейбол, т.б. Жекелей-командалық чемпионатта командамен қатар спорт түрінің жеке бағдарламасын орындаушылар жеңімпаз аталады, мыс., бокс, күрес, т.б. спорт түрлерінде салмақ дәрежелері бойынша чемпиондық атақ сарапқа салынады. Жекелей чемпионатта спортшылар көп сайыста, жеке қашықтықтарда, т.б. жарыс бағдарламасында жеңімпаздарды анықтайды.
| Ортаққорда бұған қатысты медиа файлдар бар: Category:Sports championships |