Чон Чон Гук
Чон ЧонГук (кор. 전정국, 1 қыркүйек 1997, Пусан, Оңтүстік Корея; Чонгук лақап есімімен танымал) — Оңтүстік Кореялық әнші, әндер авторы және музыкалық продюсер. BTS (Bangtan Boys) атты корей бойзбэндінің мембері, вокалисті, саб-рэпері, алдыңғы қатардағы бишісі және макнэ. Чонгук - топтың дискографиясындағы алты әндердің авторы.
| Чонгук | |
| Туған күні |
1 қыркүйек 1997 (26 жас) |
|---|---|
| Туған жері | |
| Белсенділік жылдары |
2013—қазіргі күн |
| Дауыс түрі |
тенор |
| Лақап аты |
JK |
Өмірбаяны өңдеу
Чонгук 1997 жылдың 1 қыркүйегінде Оңтүстік Кореядағы Пусан қаласында дүниеге келген. Отбасында әкесі, анасы және үлкен ағасы бар. Пэкян бастауыш мектебінде және Пусандағы орта мектепте оқыған. Кейін Сеул сахналық өнер мектебін бітірген. Чонгуктің əкесі, анасы жəне ағасы бар. Алғашында Чонгук бадминтоннан кәсіби ойыншы болуды армандаған. Бірақ кейін G-Dragon'ның "Heartbreaker" атты қойылымын көргеннен кейін кәсіби әншілікке қызыға бастаған. 2011 жылы Чонгук Оңтүстік Кореялық таланттар шоуы Superstar K тыңдалымынан өткен. Бұл тыңдалымнан өтпесе де, Чонгук ірі 7 компаниядан кастингке шақырту алған. Ақыр соңында ол, қазіргі таңда өзінің әріптесі әрі BTS тобының лидері АрЭм'нің қойылымын көргеннен кейін, Big Hit Entertainment'ті таңдайды. Дебют алдында өзінің би өнерін дамыту мақсатымен ол 2012 жылы жазда Лос-Анджелеске, Movement Lifestyle'дан би сабағын алу үшін кетеді. 2012 жылдың маусымында Чонгук Джо Квонның "I'm Da One" бейнебаянында пайда болады, сондай-ақ Glam үшін резервтік биші қызметін атқарды. Ол 2017 жылы Сеул сахналық мектебін, жоғары мектепті аяқтайды. 2016 жылдың қараша айында Чонгук жалпыұлттық университеттерге түсу емтихандарын тапсырудан бас тартуды шешті және қазіргі уақытта BTS'тің басқа мүшелері RM, Jin, Suga, J-hope, Jimin, V секілді Ғаламдық Кибер университетіне түсті.[1]
BTS құрамында өңдеу
Дебюті өңдеу
2013 жылдың 12 маусымында Чонгук BTS'тің мембері ретінде "2 Cool 4 Skool" синглы арқылы дебют жасайды. BTS'тен бөлек оның екі соло әні бар. Бірінші поп-трек 2016 жылы Wings толықформатты альбомында жарық көрген "Begin". Бұл ән оның жасөспірім кезінде қалай Сеулге айдол болу үшін келгендігі жайында және де ағаларындай болып кеткен топ мүшелеріне қиын сәтте қолдау көрсеткендері үшін алғыс білдіреді. Екінші трек "Euphoria" 2018 жылдың 5 сәуірінде BTS'тің "Love Yourself" сериясының үшінші бөліміне кіріспе ретінде тоғыз минуттық қысқаметражды фильм ретінде шықты. Әннің толық студиялық нұсқасы 2018 жылдың 24 тамызында жарық көрген "Love Yourself: Answer" альбомында жарияланды. Euphoria әніне DJ Swivel продюсерлік етті және ол Billboard Bubbling Under Hot 100 Singles чартында 5-ші орынға жайғасты. Бұл 13 апта бойы Gaon Digital Chart диаграммасында көрсетілген.
2015: жеке белсенділігі өңдеу
2015 жылдың қыркүйегінде Чонгук "Бір арман, Бір Корея" науқанына қатысып, Корей соғысын еске алу мақсатында көптеген корей әншілерімен бірге жұмыс жасады. Ән 24 қыркүйекте шығып, 15 қазанда Сеулдегі One K концертінде жарияланды.
2016 жылы Чонгук Flower Crew'дің пилоттық эпизодында түсірілді. Сонымен қатар, Celebrity Bromance'та көрінді және King of Mask Singer конкурсына "Семсерлеуші" атымен қатысып, 72 эпизодында пайда болды.
2018 жылы 6 қарашада Чонгук MBS Plus X Genie Music арнайы коллобарациялық сахнасында "We Don't Talk Anymore" әнін оның негізгі орындаушысы Чарли Путпен бірге орындады. Бұл әнді ол бұрын жеке және топ мүшесі Чиминмен бірге айтқан болатын.
Қосқан үлесі және әсері өңдеу
2019 жылы Gallup Korea жүргізген сауалнама бойынша, Чонгук Оңтүстік Кореядағы ең сүйікті танымал жұлдыздардың ішінен 3-ші орынды иеленді. Алдымен ол бұл тізімде 2016 жылы 20-орынмен дебют жасады, 2017 жылы 17-орын, кейін 2018 жылы 8-ші орынды иеленді.
2018 жылы Чонгук Hi China журналында Қытайдағы ең сүйікті жұлдыз ретінде 10 апта бойы тұрақтады. Сол жылдың қазан айында ол V Live'та жеке трансляциясын өткізді және 3,7 миллионнан астам көрермен жинады. Бұл - сервис тарихындағы ең үлкен рекорд. Желтоқсан айында Чонгуктің Твиттер желісіне салған өз студиясында ән салған видеосы сол жылы Оңтүстік Корея бойынша ең көп ретвит жасалған жазба болып табылады.
2019 жылдың қаңтарында Чонгук топтың ресми Фан-кафесінде Downy мата жұмсартқышын қолдану туралы жазба қалдырған еді (Ресейде, Қазақстанда, Жапонияда және Еуропада Lenor атымен белгілі). Бұл компанияның акциясының 11%-ға күрт өсуіне және тауардың алдағы екі айға жоспарланған қорының түгел сатылып кетуіне әкеліп соқтырды.
Чонгуктің Ким Су Хённың "Мен өзім болып өмір сүруді шештім" атты кітабын оқып жүргені анықталған соң, кітап Корея мен Жапонияда бестселлерге айналды. Сонымен қатар ол қысқа мерзім ішінде Жапонияда ең көп сатылған корей басылымы болды (3 айда 150 000 дана сатылды).
Дискография өңдеу
Чарттарға іліккен әндер өңдеу
| Атауы | Жылы | Чарттардағы шектік позициясы | Сатылымдар | Альбом | |||||||
|---|---|---|---|---|---|---|---|---|---|---|---|
| KOR [2] |
CAN [3] |
HUN [4] |
NZ [5] |
SCT [6] |
UK [7] |
US Bub. [8] |
US World [9] | ||||
| Негізгі әртіс ретінде | |||||||||||
| «Begin» | 2016 | 27 | — | — | — | — | — | — | 5 |
|
Wings |
| «BTS» | 2018 | 11 | 86 | 16 | 9 | 49 | 45 | 5 | 2 |
|
Love Yourself 結 'Answer' |
| Коллаборациялар | |||||||||||
| «Perfect Christmas» (Джо Квонмен, Им Чон Химмен, Чжухимен, және АрЭм) |
2013 | 45 | — | — | — | — | — | — | — |
|
Альбомдағы сингл емес |
| «—» әннің чартқа ілікпегенін немесе сол аймақта жарық көрмегенін білдіреді. | |||||||||||
Басқа әндер өңдеу
| Жылы | Атауы | Пішім | Ескерту | Сілтеме |
|---|---|---|---|---|
| 2013 | «Like A Star» | Цифрлық сатылым, Стриминг | АрЭммен | [13] |
| 2015 | «One Dream One Korea» | әртүрлі әртістермен | [14] | |
| 2016 | «I Know» | АрЭммен | [15] | |
| «I’m In Love» | Леди Джейнмен | [16] |
Ән жазуға қатысуы өңдеу
| Жылы | Әртіс | Альбом | Ән |
|---|---|---|---|
| 2013 | BTS | 2 Cool 4 Skool | «Outro: Circle Room Cypher» |
| 2015 | The Most Beautiful Moment in Life, Part 1 | «Outro: Love Is Not Over» | |
| The Most Beautiful Moment in Life, Part 2 | «Run» | ||
| 2016 | The Most Beautiful Moment in Life: Young Forever | «Dead Leaves» | |
| «Run» (Alternative Mix) | |||
| «Love Is Not Over» | |||
| «Run» (Ballad Mix) | |||
| 2018 | Love Yourself: Tear | «Magic Shop» |
Дереккөздер өңдеу
- ↑ Биография Джонгука. k-pop.ru. Тексерілді, 1 желтоқсан 2016.
- ↑
- 2016년 42주차 Digital Chart (Korean). Тексерілді, 9 қазан 2018.
- 2018년 21주차 Digital Chart. Тексерілді, 8 қыркүйек 2018.
- 2013년 52주차 Digital Chart. Тексерілді, 11 қазан 2018.
- ↑ Canadian Hot 100: September 8, 2018. Billboard. Тексерілді, 6 қыркүйек 2018.
- ↑ Single (track) Top 40 lista (French). Тексерілді, 9 қыркүйек 2018.
- ↑ NZ Hot Singles Chart. Recorded Music NZ (September 3, 2018). Тексерілді, 31 тамыз 2018.
- ↑ Official Scottish Singles Sales Chart Top 100. Тексерілді, 9 қазан 2018.
- ↑ Official Singles Downloads Chart Top 100: September 8, 2018. OCC. Тексерілді, 9 қыркүйек 2018.
- ↑ BTS Chart History: Bubbling Under Hot 100. Billboard. Тексерілді, 5 қыркүйек 2018.
- ↑ BTS Song Charting. Тексерілді, 9 қазан 2018.
- ↑ 2016년 10월 Download Chart (Korean). Тексерілді, 9 қазан 2018.
- ↑ BTS Breaks Their Own Record for Most Simultaneous Hits on World Digital Song Sales Chart. Тексерілді, 8 қыркүйек 2018.
- ↑ «Perfect Christmas» жалпы сатылымы:
- 2013년 52주차 Download Chart. Gaon Music Chart. Korea Music Content Industry Association.
- 2014년 01주차 Download Chart. Gaon Music Chart. Korea Music Content Industry Association.
- ↑ Like A Star by Rap Monster & Jungkook. Тексерілді, 15 наурыз 2018.
- ↑ 새시대 통일의 노래 - One Dream One Korea (кор.). Naver Music (21 қыркүйек 2015). Тексерілді, 21 қыркүйек 2017.
- ↑ 알아요 By RM & JK Of BTS. Тексерілді, 11 қазан 2018.
- ↑ I'm In Love (10점 만점에 10점 양궁소녀, 이렇게 하면 너를 찌를 수 있을 거라 생각했어 펜싱맨) (Korean). Melon.