Шабақты зираты

Шабақты зираты - ежелгі зират. Батыс Қазақстан облысы Тасқала ауданы бұрынғы "Степной" кеңшары аумағынан табылған 16 корған тобына жатады. Қорған топырақтан үйілген. Диаметрі 10 - 50 м, биіктігі 0,2- 1.2 м. 15-16-қорғандар жері жыртылған, қалған-дары Шабақты елді мекеніне дейін созылған. Бұл қорғандарды Батыс Қазақстан облысы мұражайы экспедиция (жетекшісі Б.Райымқұлов) ашты. Қазба жұмыстары жүргізілмеген. Шамамен ерте темір дәуіріне жатады.