Шабдар

Шабдар (лат. Aglaonema) – шаяноттар тұқымдасына жатады. Отаны Үндістан мен Малай архипелаг аралдары. 20-ға жуық түрі белгілі. Табиғатта гүлдегенмен, үй жағдайында гүлдету қиын. Гүлдеген жағдайда: гүлдеп болған соң әдемі қызыл жемістер береді. Шабдарды әдемі шұбар ала жапырақтары үшін өсіреді. Ұзынша жалпақ болып келген жапырақтары қысқа, тік сабақтарында орналасқан. Бірыңғай жасыл түстілері аса әдемі болмайды. Алажапырақтылары өте әдемі. Ашық жасыл түсті жапырақтыларында теңбіл, шұбар, сұрғылт түсті дақтары, сонымен қатар бетіне күміс жалатқандай жолақтылары да бар. Соңғы кезде жапырақтары түгелдей күміс жалатқандай сұрыпталған түрлері шықты.

Шабдар
Aglaonema commutatum
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Дара жарнақтылар Сабы: Alismatales Тұқымдасы: Araceae Кіші тұқымдасы: Aroideae Тайпасы: Aglaonemateae Тегі: Aglaonema Schott

Жарығы:

бірыңғай жасыл түстілері алакөлеңкеде жақсы өседі, көлеңкеге де шыдамды. Алажапырақтылары жарықты қалайды, бірақ тіке түскен күн көзіне қоюға болмайды.

Жылуы:

жылуды жақсы көретін өсімдік. Қыста температура 16-180С төмен түспегені абзал.

Суғарылуы:

жазда жиірек, қыста сирек суғарады.

Ылғалдылығы:

ылғалдылықты жақсы көреді. Қысы-жазы су бүркіп тұрса, жапырақтарының ұшы қоңырқай тартпай жақсы өседі.

Қоректендірілуі:

көктем-жаз айларында айына екі рет минералды тыңайтқышпен қоректендіреді.

Аурулары:

өрмекші, кене, өсімдік биті, щитовка, ақ ұнтақ құрты зиянкестерімен ауруы мүмкін. Құрғақ және суық ауа өсімдікке зиян келтіреді. Жапырақтары ширатылып түсіп қалады.

Көбейтілуі:

түбін бөлу арқылы көбейтеді.

Сілтемелер

• Гүлстан, өсімдіктер туралы сайт Мұрағатталған 20 ақпанның 2012 жылы.

Дереккөздер

"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727