Шабуыл аяқабы

Шабуыл аяқабы — бірлестік (құрама, бөлім) жауынгерлік міндеттерін орындаумен байланысты шабуыл жүргізетін, маневр және басқа да қимылдарды жүзеге асыратын шектегі жергілікті жер алқабы. Оны жоғарғы бастық операция (ұрыс) үшін тапсырма қою кезінде анықтайды. Шабуыл аяқабының оң және сол жақтары көршілермен ажырату сызықтарымен шектеледі. Оның ені жауынгерлік міндет мазмұнына, бірлестіктің (құраманың, бөлімнің) құрамына, күшейту және қолдау құралдарына, шабуыл аяқабыда жоғары бастықтың өмірімен қолданылатын күштер мен құралдарға, қарсыластың құрамына, ісқимыл жағдайы мен сипатына, жергілікті жердің ерекшелігіне, метеорологиялық және ауа райы жағдайларына байланысты болады. НАТО елдерінің армиясында шабуыл аяқабының ені бригадалар үшін — 6-10 км, дивизияда — 20-30 км, армия корпусында — 40-80 км, дала армиясында 100-250 км, армия топтарында — 250-450 км болуы керек деп есептеледі.